Gwasanaethau Ecolegol Cynllunio / Planning Ecological Services

Description

[ENGLISH TEXT FOLLOWS BELOW] GWAHODDIAD I GYFLWYNO DYFYNBRIS AR GYFER DARPARU GWASANAETHAU RHEOLI DATBLYGU AWDURDOD PARC CENEDLAETHOL ERYRI 21 IONAWR 2022 1. Dyma wahoddiad i roi dyfynbris am wasanaethau i gyflenwi dros gyfnod mamolaeth Prif Swyddog Cynllunio gydag Awdurdod Parc Cenedlaethol Eryri. Mae cyfnod mamolaeth y swyddog yn cychwyn yn ffurfiol ddiwedd Chwefror a rhagwelir y bydd unrhyw gontractwr penodedig yn gallu dechrau ychydig wythnosau cyn y dyddiad hwn er mwyn cael ‘cyfnod trosglwyddo’ ffurfiol gyda’r swyddog a fydd yn mynd ar famolaeth. 2. Bwriedir i’r cytundeb bara am gyfnod cyfan y cyfnod mamolaeth – a all fod tua 9 mis. Fodd bynnag, bydd yn cael ei gomisiynu ar sail cost sefydlog – gyda chost gychwynnol y contract yn dod i £25K. Mae'r cleient yn cadw'r hawl i derfynu'r contract ar unrhyw adeg o fewn y cyfnod hwnnw, gan gynnwys cyn defnyddio cyfanswm cost y gyllideb. 3. Bydd y contract yn ymwneud yn bennaf â gwaith rheoli datblygu h.y. penderfynu ar geisiadau cynllunio (adroddiadau dirprwyedig ac adroddiadau pwyllgor yn ogystal ag ymholiadau cyn cyflwyno cais ac apeliadau cynllunio), er y gall gynnwys materion cynllunio eraill o bryd i'w gilydd - megis ymholiadau sydd a wnelo gorfodaeth neu bolisi. Bydd y rhan fwyaf o’r gwaith mewn ardal ddaearyddol benodol o’r Parc Cenedlaethol – sef rhan ddeheuol Parc Cenedlaethol Eryri. 4. Oherwydd natur y gwaith rheoli datblygu, ni ellir rhagfynegi union natur na maint y llwyth achosion yn union – a bydd yn amrywio o wythnos i wythnos. Fodd bynnag, ar gyfartaledd, rhagwelir y bydd y contractwr yn delio â thua 15 o geisiadau cynllunio y mis (er y gallai hyn amrywio). 5. Bydd technegwyr yr Awdurdod yn ymgymryd â llawer o'r cymorth gweinyddol, gan gynnwys dilysu ceisiadau cynllunio. Bydd yr holl adroddiadau a gynhyrchir yn cael eu gwirio a'u cymeradwyo naill ai gan y Prif Swyddog Cynllunio Dros Dro neu'r Rheolwr Cynllunio. Bydd y technegwyr yn gallu dechrau ar y gwaith dilysu ac ymgynghori cychwynnol, a bydd ffeil electronig o ddogfennau allweddol yn cael ei darparu ar gyfer pob achos. Bydd hyn yn cynnwys crynodeb o'r hanes cynllunio. Pe bai'r contractwr yn ystyried archwilio hanes cynllunio ymhellach, gall holi ynghylch y rhain yn swyddfeydd yr Awdurdod neu ofyn i'r technegydd e-bostio dogfennau penodol yn uniongyrchol. Unwaith y bydd y cyfnod ymgynghori statudol yn mynd rhagddo, bydd ymatebion i'r ymgynghoriad yn cael eu e-bostio at y contractwr. 6. Rydym yn rhagweld bydd angen ymweliadau safle i’r mwyafrif o ceisiadau – ond mae rywfaint o hyblygrwydd yma os mae’n bosib penderfynu’r cais wrth ddefnyddio cynlluniau, mapiau, lluniau, Google Street View, a bosib ymwybyddiaeth lleol swuddogion cynllunio eraill (nid yw’n bosib wrth gwrs cadarnhau bydd mynediad at swyddogion o hyd chwaith). 7. Disgwylir i'r contractwr benderfynu ar y ceisiadau o fewn y cyfnod penderfynu statudol, oni bai y cytunir yn wahanol yn ysgrifenedig gyda'r ymgeisydd. 8. I grynhoi, bydd disgwyl yn fras i’r contractwr gyflawni’r tasgau canlynol: a. Derbyn llwyth achosion ceisiadau yn electronig a gwneud unrhyw ymweliadau safle angenrheidiol. Efallai na fydd angen ymweld ag achos bob tro – a mater i'r contractwr fydd penderfynu a fydd penderfyniad o bell yn ddigon ar gyfer rhai achosion; b. Sicrhau ei fod ef / hi yn fodlon gyda'r rhestr ymgyngoreion yn dilyn dilysu – a gofyn am ymgynghoriad pellach yn ôl yr angen. c. Gwiriadau AEA / ARhC (bydd yr ecolegydd yn cynghori yn ystod y cyfnod ymgynghori) ch. Protocol rhywogaethau a warchodir (bydd yn cael ei wneud ar y cam dilysu) d. Mater i'r contractwr fydd a yw'n dymuno gwneud cais am unrhyw ddiwygiadau neu wybodaeth ychwanegol – naill ai ar ddechrau'r cyfnod prosesu cais neu ar ddiwedd yr ymgynghoriad 3 wythnos ; dd. Ar ddiwedd y cyfnod ymgynghori, bydd y contractwr yn drafftio'r adroddiad dirprwyedig neu'r pwyllgor cynllunio ynghyd â'r argymhelliad ac unrhyw amodau cynllunio angenrheidiol. e. Bydd y rhain yn cael eu hanfon at y Prif Swyddog Cy